संबाददाता: सम्बादाता
उदयपुरमा आगलागीमा परी २ जनाको मृत्यु
यमन राईडोने
उदयपुर, ८ बैशाख/ उदयपुरको चौदण्डीगढी नगरपालिका वडा नं. ७ बेल्टार बजार स्थित रबिन कुमार दास र पदम खड्काको घरमा अचानक आगलागी हुदाँ २ जनाको मृत्यु भएको छ ।मृत्यु हुनेमा ७० बर्षिय लक्ष्मीनारायण खड्का र उनका नाति ३० बर्षिय पबन खड्काको मृत्यु भएको हो ।
बेल्टार बजारका पदम खड्काको घरमा लागलागि भएको थियो । पदमका बुवा र छोराको मृत्यु भएको प्रहरीले जनाएको छ ।
गएराति साढे ३ बजे अचानक पदमको घरमा आगलागी भएको थियो । पदमको घर सङै जोडिएको रबिन कुमार दासको काठको घर र किराना पसलको समेत जलेको च थियो ।
पदमको घर आगलागी हुँदा ६० लाख बराबरको क्षती भएको छ भने दासको २० लाख बराबराको क्षति भएको प्रारम्भिक क्षती भएको जनाएको छ ।
६०लाख खड्काको घर र चौपायामा २ वटा खसी समेत जलेका थिए । त्यसैगरी मित्र थापामगरको स्टेशनरी पसलको ६ लाख , होम बहादुर परियारको ट्रेलरको २ लाख र मैया पौडेलको चटपटे पसल समेत जलेको प्रहरीले जनाएको छ।
उक्त घटना सम्बन्धमा जानकारी हुन साथ प्रहरी नायव उपरीक्षक निरन्जन थापाको कमाण्डमा प्रहरी टोली खटि गई सुरक्षाकर्मी, दमकल र स्थानीयको सहयोगमा आगो बिहान साढे ५ बजे नियन्त्रणमा लिएको थियो ।
मृतक लक्ष्मी नारायण खड्का र पवन खड्काको लास नगर अस्पताल बेल्टारको सव गृहमा राखि घटनाबारे थप अनुसन्धान भईरहेको छ जिल्ला प्रहरी कार्यालय प्रमुख उपरीक्षक राजन चापागाईले जानकारी दिनुभयो ।
